ഇന്നത്തെ പ്രത്യേകതകൾ 27- 01-2021
ഇന്ന് 2021 ജനുവരി 27, 1196 മകരം 14, 1442 ജമാദുൽ ആഖിർ 13, ബുധൻ
➡ _*ചരിത്രസംഭവങ്ങൾ
1678 – അമേരിക്കയിലെ ആദ്യ ഫയർ എഞ്ചിൻ കമ്പനി പ്രവർത്തനമാരംഭിച്ചു.
1880 – തോമസ് ആൽവ എഡിസൺ ഇൻകാൻഡസന്റ് ബൾബിനു പേറ്റന്റിനപേക്ഷിച്ചു.
1961 – നേര്യമംഗലം ജലവൈദ്യുത പദ്ധതി ഉൽഘാടനം ചെയ്തു
1984 – കൽപാക്കം ആണവ നിലയം ഉൽഘാടനം ചെയ്തു
1967 – നാസയുടെ അപ്പോളൊ മിഷനിൽ പൊട്ടിത്തെറി . 3 യാത്രികർ കൊല്ലപ്പെട്ടു
1967 – അറുപതോളം രാജ്യങ്ങൾ ചേർന്ന് ശൂന്യാകാശത്തുനിന്ന് ആണവായുധങ്ങൾ ഒഴിവാക്കാനുള്ള ഉടമ്പടി ഒപ്പുവെച്ചു.
1984 – കാൾ ലൂയിസ് 8.795 മീറ്റർ ചാടി സ്വന്തം ഇൻഡോർ ലോങ്ങ് ജമ്പ് റെക്കോഡ് മെച്ചപ്പെടുത്തി.
1302 – ഫ്ലോറൻസിൽ നിന്നും ഡാന്റെ അലിഘിയേരിയെ നാടുകടത്തി.
1785 – ആദ്യത്തെ പൊതു യൂണിവേഴ്സിറ്റിയായി ജോർജിയ യൂണിവേഴ്സിറ്റി സ്ഥാപിച്ചു.
1918 – ഫിന്നിഷ് ആഭ്യന്തര യുദ്ധത്തിന്റെ ആരംഭം.
2013 – ബ്രസീലിയൻ നഗരമായ സാന്റാ മാരിയ, റിയോ ഗ്രാൻഡെ ഡോ സുൽ എന്നിവിടങ്ങളിൽ ഒരു നൈറ്റ് ക്ലബിലെ തീപിടിത്തത്തിൽ ഇരുനൂറ്റി നാൽപ്പത് പേർ മരിച്ചു.
➡️ _*ദിനാചരണങ്ങൾ
⭕ National Geographic Day
⭕ International Holocaust Remembrance Day
⭕ Chocolate Cake Day
⭕ World Breast Pumping Day
➡ ജനനം
1922 – ഒ മാധവൻ – ( കമ്മ്യൂണിസ്റ്റ് പാർട്ടി ഓഫ് ഇന്ത്യയുടെ ആദ്യ കാല പ്രവർത്തകരിൽ ഒരാളും, മലയാള നാടക വേദിയിലേക്ക് മികച്ച ഒട്ടനവധി നാടകങ്ങൾ സംഭാവന ചെയ്ത നാടക സംഘമായ കാളിദാസ കലാ കേന്ദ്രത്തിന്റെ സ്ഥാപകനും, പ്രശസ്ത നാടക, ചലച്ചിത്ര നടിയായ വിജയകുമാരിയുടെ ഭർത്താവും, മുകേശിന്റെ പിതാവും, നാടക സംവിധായകനും, നാടക നടനും, ചലച്ചിത്ര നടനുമായിരുന്ന ഒ. മാധവൻ )
1962 – സാബു സിറിൽ – ( ബാഹുബലി, സാഹൊ, ആർ,ആർ,ആർ, രാ.വൺ, യുവ,എന്തിരൻ, അന്യൻ, ഓം ശാന്തി ഓം അടക്കം നൂറുകണക്കിന് ഹിന്ദി, മലയാളം, തമിഴ്, കന്നട, തെലുഗ് ചിത്രങ്ങളിൽ കലാസംവിധായകൻ ആയ മലയാളി സാബു സിറിൾ )
1925 – വി ടി നന്ദകുമാർ – ( പ്രസിദ്ധീകരണകാലത്ത് വിവാദങ്ങൾ സൃഷ്ടിച്ച സ്വവർഗരതി അടിസ്ഥാനമാക്കി മലയാളത്തിലെ ആദ്യ നോവല് “രണ്ടു പെൺകുട്ടികൾ” ,അടക്കം നോവൽ, ചെറുകഥ, നാടകം, ചലച്ചിത്രഗാനരചന, പത്രപ്രവർത്തനം തുടങ്ങിയ രംഗങ്ങളിൽ വ്യാപരിച്ചിരുന്ന സാഹിത്യകാരനായിരുന്ന വി.ടി. നന്ദകുമാർ )
1926 – എ എസ് വൈദ്യ – ( ഇന്ത്യൻ കരസേനയുടെ പതിമൂന്നാമത്തെ മേധാവിയും, സുവർണ്ണക്ഷേത്രത്തിലേയ്ക്കുള്ള സൈനികമുന്നേറ്റത്തിനു രൂപരേഖ തയ്യാറാക്കി നൽകിയതിനു സുഖ്ദേവ്സിങ് സുഖ,ഹർജീന്ദർ സിങ് ജിൻഡ എന്നിവരുടെ വെടിയേറ്റു കൊല്ലപ്പെട്ട ജനറൽ ഏ.എസ്.വൈദ്യ മഹാവീർ ചക്രം . എന്ന അരുൺ ശ്രീധർ വൈദ്യ )
1924 – സാബു ദസ്തഗീർ – ( കര്ണാടകയില് ഒരു ആനപ്പാപ്പന്റെ മകനായി ജനിക്കുകയും, എലിഫെൻഫെൻറ് ബോയി, ദ ഡ്രം, ദ തീഫ് ഓഫ് ബഗ്ദാദ്, ഗംഗദിന്, ജംഗിള് ബുക്ക്,അറേബ്യൻ നൈറ്റ്സ്, വൈറ്റ് സാവേജ്, കോബ്രാ വുമൺ, ടാംഗിയർ, തുടങ്ങിയബ്രിട്ടീഷ്, ഹോളിവുഡ് സിനിമകളില് അഭിനയിച്ച് ശ്രദ്ധേയനായ ആദ്യത്തെ രാജ്യാന്തര ഇന്ത്യന് ചലച്ചിത്ര നടനായിരുന്ന സെലാർ ഷെയ്ഖ് സാബു സ്ത എന്ന സാബു ദസ്തഗിർ )
1832 – ലൂയി കാരൾ – ( ആലിസസ് അഡ്വഞ്ചേഴ്സ് ഇൻ വണ്ടർ ലാൻഡ് ,ത്രൂ ദ് ലുക്കിങ് ഗ്ലാസ് ,.ആലിസസ് അഡ്വഞ്ചേഴ്സ് അണ്ടർ ഗ്രൗണ്ട് , ദ് നഴ്സറി ആലിസ് തുടങ്ങിയ എല്ലാക്കാലത്തും എല്ലാദേശത്തും കുട്ടികൾ നെഞ്ചിലേറ്റി ലാളിക്കുന്ന കഥകള് രചിച്ച ചാൾസ് ലുട്വിഡ്ജ് ഡോഡ്ജ്സൺ എന്ന ലൂയി കാരൾ )
1974 – ചാമിന്ദ വാസ് – ( മുൻ ശ്രീലങ്കൻ ക്രിക്കറ്റ് താരം)
1979 – ഡാനിയൽ വെട്ടോറി – ( മുൻ ന്യുസിലാൻഡ് ക്രിക്കറ്റ് താരം )
1910 – തോമസ് ജോൺ – ( കോൺഗ്രസ് പാർട്ടി പ്രവർത്തകനും മുൻ കേരളാ നിയമസഭാ സാമാജികനും കുട്ടനാട് കർഷക സംഘത്തിന്റെ രൂപീകരണത്തിൽ പ്രധാന പങ്ക് വഹിച്ചിരുന്ന ആളും ആയിരുന്ന തോമസ് ജോൺ )
1963 – ആരതി അംഗലേക്കർ ടിക്കേക്കർ – (ജയ്പൂർ – അത്രൗളി ഘരാനയിൽ പരിശീലനം സിദ്ധിച്ച ശേഷം നിരവധി ഹിന്ദി, മറാത്തി,കൊങ്കിണി സിനിമകൾക്കു വേണ്ടിയും പാടുകയും, മികച്ച പിന്നണിഗായികയ്ക്കുള്ള ദേശീയ ചലച്ചിത്രപുരസ്കാരത്തിന് രണ്ടു തവണ അർഹയായ പ്രമുഖ ഹിന്ദുസ്ഥാനി ശാസ്ത്രീയസംഗീതജ്ഞ ആരതി അംഗലേക്കർ ടിക്കേകർ )
1952 – അസ്മ ജിലാനി ജഹാംഗിർ – ( പാകിസ്താനിലെ പ്രമുഖ അഭിഭാഷകയും മനുഷ്യാവകാശ പ്രവർത്തകയുമായ അസ്മ ജിലാനി ജഹാംഗീർ )
➡ മരണം
1997 – പ്രാക്കുളം ഭാസി – ( തിരുകൊച്ചി നിയമസഭ അംഗമായും, കേരള ഗ്രന്ഥശാലാ സംഘം പ്രസിഡന്റായും, കേരള സ്റ്റേറ്റ് ഹൗസിംഗ് ബോർഡ് ഡയറക്ടറായും ആർ.എസ്.പി. കൊല്ലം ജില്ലാ സെക്രട്ടറിയായും ദേവസ്വം ബോർഡ് പ്രസിഡന്റായും പ്രവർത്തിക്കുകയും. സംസ്ഥാനത്ത് ടൂറിസം മേളകൾ ആരംഭിക്കുകയും, ഇതര ജാതിക്കാരെ തന്ത്രവിദ്യ പഠിപ്പിച്ച് ശാന്തിക്കാരാക്കുകയും അംബലത്തിൽ ഷർട്ടിട്ടു കയറാമെന്ന കൽപ്പന പൊറപ്പെടുവിക്കുകയും ചെയ്ത പ്രാക്കുളം ഭാസി )
2009 – പ്രൊ : കാളിയത്ത് ദാമോദരൻ – ( പ്രസിദ്ധ വിവർത്തനസാഹിത്യകാരനും അദ്ധ്യാപകനുമായിരുന്ന പ്രൊഫ. കാളിയത്ത് ദാമോദരൻ )
2009 – ആർ വെകിട്ടരാമൻ – ( ഇന്ത്യൻ നാഷണൽ കോൺഗ്രസ് അംഗം എന്ന നിലയിൽ നിരവധി മന്ത്രിപദങ്ങളും, ഉപരാഷ്ട്രപതിയും ,എട്ടാമത് രാഷ്ട്രപതിയും ആയിരുന്ന രാമസ്വാമി വെങ്കടരാമൻ )
1699 – സർ വില്യം ടെമ്പിൾ – ( ചാൾസ് രണ്ടാമൻ രാജാവിന്റെ അടുത്ത ഉപദേഷ്ടാവാകുകയും, ലൂയി പതിന്നാലാമന്റെ സാമ്രാജ്യ വികസനത്തിനെതിരായി സ്വീഡൻ, ഇംഗ്ലണ്ട്, ഐക്യ പ്രവിശ്യകൾ ചേർന്ന 1688 ലെ മൂവർ മുന്നണിയുടെ രൂപീകരണത്തിലും പങ്കുവഹിച്ച ബ്രിട്ടീഷ് നയതന്ത്രജ്ഞനും ഉപന്യാസകാരനുമായിരുന്ന സർ വില്യം ടെമ്പിൾ )
1943 – ബെഞ്ചമിൻ ടില്ലറ്റ് – ( ഡോക്കേഴ്സ് യൂണിയൻ, ജനറൽ ഫെഡറേഷൻ ഒഫ് ട്രേഡ് യൂണിയൻസ് എന്നീ സംഘടനകൾ സ്ഥാപിച്ച ബ്രിട്ടീഷ് തൊഴിലാളി നേതാവായിരുന്ന ബഞ്ചമിൻ ടില്ലറ്റ് )
1986 – എ എൽ ബാഷാം – ( ബ്രിട്ടീഷ്കാരനും, പ്രശസ്ത ഇന്തോളജിസ്റ്റും ചരിത്രകാരനുമായിരുന്ന ആർതർ ലെവ്ലിൻ ബാഷാം എന്ന എ.എൽ.ബാഷാം )
2008 – സുഹാർത്തൊ – ( ഇരുപതാം നൂറ്റാണ്ട് കണ്ട എറ്റവും വലിയ മനുഷ കുരുതിയുടെ സൂത്രധാരനും, അഴിമതി വീരനും, . സുകാർണൊയെ അട്ടിമറിച്ച് 31 വർഷത്തോളം ഇൻഡോനേഷ്യയുടെ രണ്ടാമത്തെ പ്രസിഡന്റായി ഭരിക്കുകയും ചെയ്ത സുഹാർത്തൊ. )
2010 – ജെറോം ഡേവിഡ് സാലിംഗർ – ( ദ് കാച്ചർ ഇൻ ദ് റൈഎന്ന ഒറ്റ കൃതികൊണ്ട് പ്രശസ്തിയിലേക്ക് ഉയർന്ന അമേരിക്കൻ സാഹിത്യകാരന് ജെറോം ഡേവിഡ് സാലിംഗർ )
2010 – ഹൊവാർഡ് സിൻ – ( അമേരിക്കൻ സാമ്രാജ്യത്വത്തിന്റെ ഇരുണ്ടവശം ചിത്രീകരിക്കുന്ന “അമേരിക്കൻ ഐക്യനാടുകളുടെ ജനകീയ ചരിത്രം” എന്ന കൃതി എഴുതിയ ബോസ്റ്റൺ യൂണിവേഴ്സിറ്റിയിലെ രാഷ്ട്രതന്ത്ര വിഭാഗം പ്രൊഫസറും ചരിത്രകാരൻ, എഴുത്തുകാരൻ, നാടകകൃത്ത്, ബുദ്ധിജീവി, ഇടതുപക്ഷ അരാജകവാദ പ്രവർത്തകൻ ഫ് പ്രസിദ്ധനും ആയിരുന്ന ഹൊവാർഡ് സിൻ )
➡ _*മറ്റു പ്രത്യേകതകൾ
⭕ _ഇംഗ്ലണ്ട്, ജർമ്മനി, പോളണ്ട്, ഡെന്മാർക്ക് എന്നീ രാജ്യങ്ങളിൽ ഈ ദിനം ഹോളോകാസ്റ്റ് അനുസ്മരണമായി ആചരിക്കുന്നു.